महिमा आंगळी की Mahima aangalee Kee

सुणो भाइयो महिमा आंगळी की

आंगलियां पर चाले सगळी दुनिया नहीं कोई सीमा आंगळी की

सुदर्शन चक्र चलायो आंगळी

महिमा आंगळी की

गोवर्धन पर्वत उठायो आंगळी

फटाफट फ़ोन चलावे आंगळी

इशारो करकी कानि बुलावै आंगळी

बाँह फैला की राह बतावै आंगळी

होठां पर आकि चुप करावै आंगळी

आंगळी सिद्ध होज्या तो रिश्तो बसज्या घर बसज्या

आंगळी बटन पर दबज्या तो लोटियो चसज्या

आंगळी दो रिश्ता के बिच में आज्या तो रिश्तो टूट ज्या

आंगळी चरित्र पर उठज्या तो नशीब फुटज्या

आंगळी टेढ़ी होज्या तो घी कढ्ज्या

आंगळी कंठा में फस ज्या तो जी कढ़ ज्या

आंगळी बैंक में लाग ज्या तो ख़ाता खुल ज्या

आंगळी दो भाइयों के फैसला पर लागज्या तो माथा खुल ज्यां

आंगळी लुगाई पर उठज्या तो महाभारत होज्या

आंगळी जद वोटिंग मशीन में सही ढंग हु लाग्ज्या तो भ्रष्ट मुक्त भारत होज्या

आंगळी जद बळतोडिया लगाज्या तो बलत मिठ्ज्या

आंगळी जद इ पोस्ट की लाइक बटन पर दब ज्या तो आ पोस्ट चढ़ ज्या हैं