 |
| Mhare chudle ra Singar |
म्हारे चुड़ले रा शिणगार
म्हारे चुड़ले रा शिणगार बलम थारी ओल्युं आवे रे
मिरघा नेणी रा भरतार बलम थारी ओल्युं आवे रे।।
म्हारे चुड़ले रा....
मेड़ी बेठयो कालो रे कागलो, रोला पे रोला मचावे रे,
मैं जागु रे म्हारो रे सायबो बैठ रेल में आवे रे एकर आज्या,
बालमा थारी याद सतावे रे।।
म्हारे चुड़ले रा....
आवण-जावण कह गयो रे करग्यो कोल अनेक रे,
गिणता-गिणता घिस गई म्हारी लाल आंगलिया री रेख रे,
अब तो आज्या, बालमा म्हाने क्युं बिलमावे रे ।।
म्हारे चुड़ले रा....
अरे बागा मांही चम्पा खिले, लागी सावण री झड़ी,
कर सोलह शिणगार गौरड़ी बाट्या जोवे खड़ी खड़ी,
बेगो-बेगो आज्या, बालमा थारी याद सतावे रे ।।
म्हारे चुड़ले रा....
कर सोलह शिणगार गौरड़ी बाट्या जोवे खड़ी खड़ी,
बेगो-बेगो आज्या, बालमा थारी याद सतावे रे ।।
म्हारे चुड़ले रा....
पाणी भरवा जद में जाऊँ सखियां ताना मार रे देख सखी रे
थारो रे सायबो सामां दिखे आवे रे अब तो आज्या बालमा म्हाने नींद ना आये रे।
म्हारे चुड़ले रा....
थारो रे सायबो सामां दिखे आवे रे अब तो आज्या बालमा म्हाने नींद ना आये रे।
म्हारे चुड़ले रा....
0 टिप्पणियाँ