गौरी म्हारी डागलिये Gori Mhari Dagaliye Lyrics in Hindi

गौरी म्हारी डागलिये

गौरी ए म्हारी डागलिये पर चालो आज ।
डागलिये पर चालो ए छांटा बरसै आज ।।

पिया म्हारा बरखा मे भीग्यो ए न जाय ।
बरखा माही भीजे म्हारा नागिण जिसा बाल ॥

गौरी म्हारी भीगे तो भीगण दिज्यो आज।
महला में संवारा थारा नागिन जिसा बाल ॥

पिया म्हारा बरखा में भीग्यो ए न जाय ।
बरखा माही भीजे म्हारा होठ लाल लाल ॥

गौरी म्हारी भीगे तो भीगण दिज्यो आज।
पलका सु सुखास्या थारा होठ लाल लाल ॥

पिया म्हारा बरखा में भीग्यो ए न जाय ।
बरखा माही पतली कमर लचक ज्याय ॥

गौरी म्हारी लचक तो लचकण दिज्यो आज ।
सैजा पर दबास्या थारी कमर लचकदार ॥

गौरी ए म्हारी डागलिये पर चालो आज ।
डागलिये पर चालो ए छांटा बरसै आज ॥

बरखा माही भीजे म्हारा नागिण जिसा बाल ।
महला में संवारा थारा नागिन जिसा बाल ॥

बरखा माही भीजे म्हारा होठ लाल लाल ।
पलका सु सुखास्या थारा होठ लाल लाल ॥