पीपली Pipli सीमा मिश्रा के द्वारा गाया गया गीत के बोल हिंदी मे
बाय चाल्या छा भंवर जी पींपळी जी,
हांजी ढोला हो गई घेर घुमेर,
बैठण की रुत चाल्या चाकरीजी,
ओजी म्हारी सास सपूती रा पूत,
मत न सिधारो पूरब की चाकरी जी।।
परण चाल्या छा भंवर जी गोरड़ी जी,
हांजी ढोला हो गई जोध जवान,
विलशण की रुत चाल्या चाकरीजी,
 |
| Pipli Song Lyrics |
ओजी म्हारी लाल नणद बाई रा बीर,
मत न सिधारो पूरब की चाकरी जी।।
कुण थारां घुड़ला भंवर जी कस दिया जी,
हांजी ढोला कुण थानै कस दीनी जीन,
कुण्यांजी रा हुकमा चाल्या चाकरीजी,
ओजी म्हारे हिवड़े रा नौसर हार,
मत न सिधारो पूरब की चाकरी जी।।
रोक रुपैया भंवर जी मैं बणूं जी,
हांजी ढोला बण ज्याऊं पीळी पीळी म्होर,
भीड़ पड़े जद सायबा बरत ल्योजी,
ओजी म्हारी सेजां रा सिणगार,
पिया की पियारी ने सागे ले चलो जी।।
कदेई न ल्याया भंवर जी चूनड़ी जी,
हांजी ढोला कदेई न करी मनवार,
कदेई न पूछी मनड़े री वारता जी,
हांजी म्हारी लाल नणद रा बीर,
थां बिन गोरी नै पलक ना आवड़े जी ।।
बाबोसा नै चाये भंवर जी, धन घणो जी,
हांजी ढोला कपड़े री लोभण थारी माय,
सेजां री लोभण उडीक़ै गोरड़ी जी,
हां जी थारी गोरी, उड़ावै काळा काग,
अब घर आओ, धाई थारी नौकरी जी ।।
चरखो तो लेल्यो भंवर जी रांगलो जी,
हांजी ढोला पीढ़ो लाल गुलाल,
मैं कातूं थे बैठ्या बिणजल्यो जी,
ओजी म्हारी लाल नणद रा बीर,
घर आओ प्यारी ने पलक ना आवड़े जी ।।
सावण सुरंगों लाग्यो भादवो जी,
हांजी कोई रिमझिम पड़े हैं फुहार,
तीज तिवारा घर नहीं बावड़्या जी,
ओजी म्हारा घणा कमाऊ उमराव,
थारी पियारी नै पलक ना आवड़े जी ।।
फिर घिर महिना भंवर जी आयग्या जी,
हांजी ढोला हो गया बारा मास,
थारी घण महला भंवर जी झुर रही जी,
हांजी म्हारे चुड़ले रा सिणगार,
आच्छा पधारया पूरब की नौकरी जी।।
उजड़ खेड़ा भंवर जी फिर बेस जी,
हांजी ढोला निरधन रे धन होय,
जोबन गयां पीछे नांही बावड़े जी,
ओजी थाने लिख हारी बारम्बार,
जल्दी घर आओ थारी धण एकली जी ।।
जोबन सदा नां भंवर जी थिर रवे जी,
हांजी ढोला फिरती घिरती छाँव,
कुळ का तो बाया मोती निपजे जी,
ओजी थारी प्यारी जोवै बाट,
जल्दी पधारो गोरी रे देस में जी,
बाय चाल्या छा भंवर जी पींपळी जी,
हांजी ढोला हो गई घेर घुमेर,
बैठण की रुत चाल्या चाकरीजी,
ओजी म्हारी सास सपूती रा पूत,
मत न सिधारो पूरब की चाकरी जी।।
मैं केवल राजस्थानी संगीत और गीतों को पुनर्जीवित करने के लिए बोल लिख कर लोगों तक पंहुचा रहा हूं। इसका सारा श्रेय इसके मूल संगीतकार और गायक को जाता है।
यह गीत वीणा म्यूजिक की प्रस्तुति में सीमा मिश्रा के द्वारा गाया गया हैं और म्यूजिक निर्मल मिश्रा ने दिया हैं।
गीत का नाम - पीपली
एल्बम का नाम - कुरजां
सिंगर - सीमा मिश्रा
म्यूजिक डायरेक्टर - निर्मल मिश्रा
प्रोडूसर - के. सी. मालू
लेबल - वीणा म्यूजिक
0 टिप्पणियाँ