मोट्यार लुगाई की बाताँ - राजस्थानी कहानी

Rajasthani Arts Painting

मोट्यार लुगाई बैठया हा । बैठया बैठया बात करे ।

लुगाई बोली : सुणो हो के थे, आपां एक भैंस लियावा ।

मोट्यार: -बावळी तनै बैठी सुती न के भैस ही दिखे, भैंस को काम घणो करङो होया करे, कुण करसी ?

लुगाई बोली:- देखोजी काम तो आपां मिलजुल के करल्यां किं थे कर लीज्यो, किं मै करलेस्यू । घर मै खाण ने दुध दही को लगावण होजी सी, दो पीसा मजूरी हो जीसी ।

मोट्यार:-- बात थारी स्याणी है । कमाई होई जणा टाबरां न पढा लिखा के मिनख बणाद्या आपां तो कोनी पढ्या पण टाबरां न पढालेस्यां ।

लुगाई बोली ----अजी सुणे है के

मोट्यार ----के कह है ।

लुगाई: --मै मेरी मां क दही दुध दे के आस्यू बा घणी राजी होसी मेरा भतीजा भतीजी भी दुध दही खा लेसी ।

मोट्यार --तेरी बळद्याऊं, भैंस का पीसा काटस्यू मैं दुध दही खासी तेरे पीरे का

लुगाई: --तो कांई होयो जी मेरा भाई भतीजा खाग्या तो कांई आंट होगी ।

मोट्यार --मै तो धार के मुण्डो ही कोनी लगाण देऊं जे कोई आसी तो डांग सरकास्यू ।

लुगाई: --मेरे भाई भतीजा क डांग मारस्यो मै थारो भोभरो फोङ देस्यू । (दोनूं दे मार दे मार लङबा लागग्या पङोसी भेळा होग्या )

पङौसी -- भाई के होयो किंया आपस मं लङरया हो ।

मोट्यार --लङने की तो बात ही है आ म्हारे घरआळी भैंस को दुध आपके भाई भतीजा न ले जार देव, मै ले ज्याण कोनी द्यूं भैंस की सेवा करां म्हे दुध दही खावे इंक घर का ?

पङोसी --या बात तो माङी है भौजाई थारे पीहर का दुध
दही कियां खावे ।

लुगाई: --अजी देवरजी म्हारे पीहर का दुध दही खा लियो
तो कांई होग्यो ।

पङौसी --बात तो साची है भोजाई ,पण थारी भैंस है
कठै कांई चरबा गई है के

घर की धीराणी -- ना देवर जी भैंस तो म्हे खरीदस्यां,
ओज्यूं म्हे खरीदी कोनी ।

पङौसी बेहोश :) ;) ;) :)