जीवन का घणो ही महत्व हैं - कविता (Things are important- Poem)

जीवन का घणो ही महत्व हैं - कविता

शेखावाटी में छाबड़ी रो, बिहार में राबड़ी रो,
सब्जी में आलू रो, घोटाला में लालू रो,
वोटों में प्रचार रो, खावण में अचार रो,
सवारी में ऊँट रो, राजनीति में झूट रो,
घणो ही महत्व हैं।खेत में नाडी रो, घर में लाडी रो,
पट्टी में अम्ल रो, फूल में कमल रो,
मकान में टायल रो, पगा में पायल रो,
आदमी री दाढ़ी रो, ड्राइवर री गाड़ी रो,
घणो ही महत्व हैं।

केवणं में कहाणी रो, पिवण में पाणी रो,

सासरे में जवाईं रो, रोग में दवाई रो,
भारत में झण्डा रो, स्कूल में डण्डा रो,
हाक में हांडू रो, 26 जनवरी में लाडू रो,
घणो ही महत्व हैं।

खावण में बाजरी रो, स्कूल में हाज़री रो,
महीना में सावण रो, दूध में जावण रो,
ट्रैक्टर में मेस्सी रो, घी में देशी रो,
सफर में रेल रो, मोज़ में खेल रो,
घणो ही महत्व हैं।

गाँव में सड़कों रो, स्कूल में लड़कों रो,

बिगाड़ने में पिक्चर रो, सुधारने में टीचर रो,
परीक्षा में पेन रो, ब्याह में बहन रो,
हाथ में घड़ी रो, बुढ़ापे में छड़ी रो,
घणो ही महत्व हैं। 

जीमण में हीरा रो, मीरा में मायरा रो,
दुकान में मालिक रो, सब्जी में पालक रो,
मिठाई में पेठा रो, बुढ़ापे में बेटा रो,
धर्म में गीता रो, माँ री ममता रो,
घणो ही महत्व हैं।

बोलण में कोयल रो, इंजन में ऑयल रो,
करने में काम रो, देवण में ईनाम रो,
खेत में तवीरो रो, कविता में कवियों रो,
शक्ति में भीम रो, बीमारी में नीम रो,
घणो ही महत्व हैं।