डी जे रे चलण सु कितरा मिनख बेरोजगार व्हे गीया

एक डी जे रे चलण सु कितरा मिनख बेरोजगार व्हे गीया है

10-15 मिनख बेंड बाजा वाळा अ'र 20-30 मिनख बिन्दोरी रे

मांयी लाइट रा घमला पकड़ण वाळा।
ईण सगळा मिनखा रो हक एक ड़ी जे वाळो ले जा रेयो है।

यो पूंजी रो एकीकरण व्हे रेयो है।
आप रा पैसा सु कितरा मिनखा रे घर चूल्हा जळता हा।
10-15 बेंड वाळा अ'र 20-30 लाइट रा घमला वाळा।
आज रे जुग रे मांइ आपरे मिनख समाज रे माथे पूंजी रो एकीकरण घणी जोर री समस्या है।
ड़ी जे रो चलण पूँजी रे एकीकरण री एक छोटी इकाई है।
ईण ड़ी जे सु मिनख ने घणो नुकसण मिनख री सुणण री खिमता कमजोर व्हे जावे ।

जठे ड़ी जे चाले उठे रा मकान धुजण लाग ज्या।

मिनखा री नींद हराम व्हे ज्या। इण् वास्ते सरकार ने बेगी सु
बेगी देर नी करता थका ईण ड़ी जे ने जब्त करण रो आदेश जारी करणो चावे।

जिण सु आपरा गरीब भांया ने पाछो रोजगार मिळे।
इण ड़ी जे सु लोग आपणे स जुड़ी संस्कृति ने भूलता जा रेया है।
ड़ी जे रे ऊपर को नाच आवे नी सगळा एक साथे उचके।

उचकण ने कोई नाच केवे भलां?
आवण वाळी पीढ़िया आपरा जुना नाच जिका आपरे
राजस्थान री पिछाण है, जिका आपरे देश री परंपरा है बी ने भूल जावेला।
शादी रे मांई ड़ी जे चोखो भी कोनि लागे।

बेंड रा सुर, बेंड री धुन कीतरी मुधरी, कीतरी प्यारी, कीतरी सोवणी व्हे।
अ'र शगुन तो बेंड रो इ ज हुवे है।
ईण वास्ते भांया आपणी शादी, ब्याव रे मांई ड़ी जे ने छोड़'र बेंड बजाओ।

बिन्दोरी लाइट रे घमला रे सागे काढ़ो । ईण सु गरीब मिनखा ने रोजगार मिले ।
ईण मशीनीकरण रे जुग रे मांई मिनख मिनखनी रेय'र मशीन बणतो जा रेयो है।
आपणे स जुड़ी संस्कृति सु अलघा मति जावो।