भेडां री गिणती - कहाणी (sheep herding)

आ बात थोडी पुराणै जमानै री मानीजै ।
जद गांव रै इस्कूलां रै च्यारूंमेर भींत कोनी होंवती,
बाड़ होंवती। कमरा ई कोनी हा।

Sheep Herding

टाबर दरख्तां तळै बैठता। एक दिन मोटा अफसर आया।
एक क्लास में गया। एक पढेसरी कानी सैन करी।
बोल्या- ''एक सुवाल बता।'' इन्नै-बिन्नै खांत्यो
अर बाड़ कनैकर टिपतै रेवड़ कानी आंगळी कर'र बोल्या-
''बता ईं रेवड़ में कित्ती भे़ड है?''
पढेसरी झट ऊभौ हुयो अर पड़ूत्तर दियो पचास है जी!''
अफसर गिणी तो पूरी पचास बैठी।
अचरज रो ठिकाणौ नीं रैयो।
बीं टाबरियै नै कनै बुला'र सिर पळूंस्यो। काळजै लगायो।
मास्टरजी कानी मूंडो कर'र बोल्या,
''मास्टरजी, ईं क्लास नै गणित कुण पढावै? इण टाबरियै
तो कमाल कर दियो। एक सैकिंड में ई पचास भेड गिण नाखी।
ईं रो दिमाग तो कम्प्यूटर सूं ई तेज चालै। ईं नै
तो म्हैं दिल्ली में सनमानित करासूं। आप तो इण री नीवं हो, आपनै भी
सनमानित करास्यां।''
टाबरियै कानी देख्यो तो मास्टरजी रै पसेव चोवण लागग्यो।
अफसर नै तावळो-सो दफ्तर में लेग्यो।
चा-पाणी री मनवार कर विदा कर्यो।
पछै उंतावळो-सो लास में आयो अर बीं टाबर नै खड़्यो कर'र
बोल्यो- ''काळिया, आज तूं ईं सवाल रो जवाब इत्तो
तावळो किंयां दे दियो रै!
तनै तो दोय अर दोय रो जोड़ पूछ्यां ई तूं तो तीन बताया करै?''
टाबर बोल्यो- ''मास्टरजी, ओ तो जाबक ई सोरो- सो हो।
म्हैं भेडां री टांग गिणी अर च्यार रो भाग दे दियो।''