Aapno Pyaro Marudhara - Poem

तपती बळती मरुधरा, बादळ मांडी आस ।
भोत पळकतो सुरजडो, आज लुक्यो आकास ।।
झळती लूआं झेलता, होया रूंख हतास ।
बादळ मंड्या मुरधरा, जीवण बंधी आस ।।
सरवर तरवर सूकिया, पाणीं गयो पताळ ।
बादळ रै डर भाजियो, पड़तख दिखतो काळ ।।
पाणी खूट्यो मरुधरा, बच्यो न आंख्या टाळ ।
अंबर बादळ गरजिया, मिटग्या सब जंजाळ ।।

झूम झमाझम बरसिया, बादळ म्हारै गांव ।
अबकै होसी बाजरी, आई म्हारी डांव ।।

Rajasthani Culture

बादळ बरसै धपटवां, किरसां गावै गीत ।
बरसै जद तूं बादळी, लागै मन री मीत ।।
नाड़ उठाई रूंखडां, पड़तां पैली छांट ।

बेलां चढ़गी रूंखडां, छोड छाडगै आंट ।।
धोरां आळी रेतडी, हरखी बेजां आज ।
धानी पैरूं चूंदडी, तूठ्या बादळ राज ।।
हरखी बेजां धण घणीं, पड़ती बिरखा आज ।
अब आवैला पीवजी, नीं चूकैला राज ।।
हींडा मंडै रूंखडां, खेतां चालै गोठ ।
सावण बरसी बादळी, कात्यां होसी मोठ ।।
टाबर जीमै गुलगला, बूढां हथ गुड़राब ।
बायां तळै पकोडिया, मरवण उडीकै साब ।।
झूम झमाझम बरसिया, बादळ म्हारै गांव ।
अबकै होसी बाजरी , आई म्हारी डांव ।।
बादळ बरसै धपटवां, किरसां गावै गीत ।
बरसै जद तूं बादळी, लागै मन री मीत ।।
नाड़ उठाई रूंखडां, पड़तां पैली छांट ।