Seven Vows in Marriage - शादी ब्याह में सात वचन

आजकाल की लुगाई से ब्याह करें तो बिका सात बचन होवै बे कुणसा हैं ये पढ़ो

पेहलो वचन

दिनूगै जाग आवै जद उठूँ बेगि ना जगाइयो
उठतां पाण ही एक कप चाा गुदडा माहि झलाइयो
लुल्गै भुआरी म्हारे सुं कडे कोनि ना पानी भरण न जाऊं
औह बचन म्हारो मंजूर होवै तो थारै डावै अंग माहिं आऊं 

Wedding Ceremony_1

दुसरो वचन

जाँता ही न्यारी होस्यु न्यारो घर बनास्या डांगर पशु राखा कोनि डेयरी
पर सुं थेली आळो दूध ल्यासा
थारै बुढ़िये बुढ़लि गी
सेवा मे्रे सुं कोनि होवै मैं पेल्हा ही बताऊं औह
बचन म्हारो मंजूर होवै तो थारै डावै अंग माहिं आऊं 

तीसरो वचन

धुवै सुं आँख बलै ले देइयो गैस कनेक्सन
जेन्टल घाल मशीन सुं घाबा धोंस्या हाथा
क होवै ईफेक्सन
इत्ता घाबा घरां ताबै कोनि आवै
धोबी सुं प्रेस कराऊँ
औह बचन म्हारो मंजूर होवै
तो थारै डावै अंग माहिं आऊं 

चौथो वचन

गाडो सो दिन क्यां कटै
मनोरंजन क़ बिना घर म्ही रंगीन टीवी होवै
अर घर की होवै डिश एंटीना अपो आपणी
पसंद गा नाटक देखां
काई बात सर्मिंदगी की मैं
देखूँ कहानी घर घर की
थे देखियो कसोटी ज़िंदगी की
कोई बटाऊ आजै तो मैं बीच म्ही उठगै चाय कोनि बनाऊं
औह बचन म्हारो मंजूर होवै तो थारै डावै अंग माहिं आऊं 

Wedding Ceremony

पांचवों वचन

बात करण नै मोबाईल होवै
जद मैं पीयर जाऊं टायला लागेड़ो न्हाणघर होवै
फुआरो चलागे न्हाऊं
घरा ही सामान ल्यादेइयो पण सातवें दिन ब्यूटीपार्लर जाऊं
औह बचन म्हारो मंजूर होवै तो थारै डावै अंग माहिं आऊं 

छटो वचन

थे मेरे अलावा कीह कानि न झांकियो
कठै एडै मौके जाओ तो मनै आगलै पासै राखियो
मेरी पसंद सुं टूम छलौ पहरुं जिता मर्जी सूट सिमाऊं
औह बचन म्हारो मंजूर होवै तो थारै डावै अंग माहिं आऊं 

सातवों अर आखरी वचन है

ध्यान सुं सुण लेइयो नित आयेड़ी नन्दा चोखी कोनि लागै
फेर ना कइयो जेठुता जेठुति नान्दया नान्दि सागै मैं
ना नेह लगाऊं औह बचन म्हारो मंजूर होवै तो थारै
डावै अंग माहिं आऊं…….!!